自訂搜尋
2009/12/23
2009/12/19
2009/12/16
Marriage Humour
From: Shiely
Date: 14 December 2009
Subject: Marriage Humour
老公：唔好叫我洗碗得唔得啊？
老婆：小小事就試到你，啲碗一早洗咗啦！
老公：我係講笑咋，其實我好樂意做家務架！
老婆：我都係講笑咋！啲碗其實未洗。
Marriage Humour
From: Shiely
Date: 11 December 2009
Subject: Marriage Humour
Wife:
'You always carry my photo in your wallet...... Why?'
Husband:
Husband:
'When there is a problem, no matter how great, I look at your picture and the problem disappears.'
Wife:
Wife:
'You see how miraculous and powerful I am for you?'
Husband:
Husband:
'Yes! I see your picture and ask myself what other problem can there be greater than this one?'
2009/12/10
是夜柱男
好耐無踢過波。亦都好耐無踢過一場好波。今晚終於有好轉。
今晚贏波無乜特別意義，但係隊波踢得出一個隊形，呢樣先係最開心。但係，並唔能夠每分每秒都維持呢個隊形。一贏開波領先之後，突然間個個都好似美斯上身咁，自己去晒。
球隊早段六上六落，交叉補位、No Look Pass、One-two 突破、閃電傳球，確實係勢如破竹。當贏到 2:0 之後，舊病開始復發喇，可能個個都大汗，開始將自己當咗係一條球場濕毛巾－－死扭。
結果係點？咪輸返 2:2 囉。
轉捩點係皇牌 10 號阿健喺呢個時候閃電式嘅雷獸射球，迅速將比數拉開至 4:2，對手即時被打沉，雖然雙方再有入球，但都保持勝果。阿健貫徹佢生活中嘅強項－－左右開弓，無疑是應記一功。
對自己而言，做返多啲劇烈運動，出身汗，確在醒神好多。加上今晚做柱男，真係醒到唔醒。
中咗幾多呢？自己都數唔晒。淨係記得第 1 次中柱係文文 Long Pass，面對 Keeper 射門被擋出落返自己腳下再射第 2 腳。喺細禁區入面射中條近柱，呢一下嘅技術，真係少啲都射咗網側......。>.<
再嚟係禁區入面偷到個波，細禁區 K 角位，離門都唔夠七碼，一個窩利抽射，勁！除咗力度勁之外，真係意想不到咁又射中近柱，仲要係近柱內側！然後勁到個波係打橫飛去撞埋條遠柱嘅柱面！出界......。
比賽末段，客串 Keeper 嘅隊長 Vincent，引球出擊右路傳中，當我離門 20 碼接應之後，第一時間再嚟一個衝力射球！當然係高飛曲墜急彎向球門。掂喇啩？笠過埋 Keeper.....。結果都係要射中眉角彈出界......。
真係未試過一晚中咁多次，左右腳都中。我啲技術幾時升呢升得咁快？
2009/12/07
2009/11/29
Marriage Humour
日期：2009 年 11 月 26 日
來源：Shiely
題目：Marriage Humour
Wife: 'What are you doing?'
Husband: 'Nothing.'
Wife: 'Nothing...? You've been reading our marriage certificate for an hour.'
Husband: 'I was looking for the expiry date.'
~ End ~
來源：Shiely
題目：Marriage Humour
Wife: 'What are you doing?'
Husband: 'Nothing.'
Wife: 'Nothing...? You've been reading our marriage certificate for an hour.'
Husband: 'I was looking for the expiry date.'
~ End ~
2009/11/17
婚禮籌備軼事［一］
昨夜在收拾凌亂不堪的案頭。發現一張 CD。
一張內容與我的婚事有關，但未有在播婚宴當晚播出的 CD。
＊ ＊ ＊ ＊ ＊ ＊
一開隻 CD 睇，原來係九寨溝影嘅相。5 月到家陣都成半年，每次睇返輯相都令我諗起呢間咁出眾嘅公司「CxxlWedding」嘅「卓越」服務（？？？），令我頂住條氣。
記得今年 2 月喺會展展覽裏，一次過揀咗兩間公司去影婚紗相。一間係好友 Joanne 同 Dennis 幫襯過，影完後 Janus 睇過佢哋成輯相都好靚，所以已經早喺考慮名單之內，而 3 月 Janus 生日嘅時候，都順利完成第一輯婚紗相。
＊ ＊ ＊ ＊ ＊ ＊
第二間呢間令我頂住條氣嘅「CxxlWedding」，俾我嘅驚喜真係接二連三，層出不窮。但要強調清楚，令我頂住條氣都家陣都未順嘅，係「CxxlWedding」嘅香港職員，並非喺內地由頭到尾對我倆照顧十足嘅員工。
正式 Join Plan 同俾錢前，已經再三向工作人員確認：
「5 月先去四川影相，係咪可以肯定喺擺酒前（8 月 14 日）攞到相簿？」
「我哋收得錢，一定會完成俾客人嘅，結婚呢啲喜慶事，點可以遲交貨？遲交貨，當晚賓客睇唔到就嘥晒啦。」攝影師 Ronnie（幕後老闆）言之鑿鑿咁答。
［按：自己都抵死嘅，明知呢啲係 Salesperson 發夢都識得掉轉背嘅說話，都要催眠自己去信佢。］
早期嘅服務都真係唔錯架，大小事都有打電話嚟提點。當然包括提點我要交尾數啦。
出發前仲會為我哋安排一個 Briefing，提點我哋注意事項。既然有咁好嘅服務，當然欣然接受啦。
＊ ＊ ＊ ＊ ＊ ＊
Briefing 嘅時候當然係問一啲我哋關心而又需要知道嘅細節啦。特別係準備出發前嘅一陣子，四川又再有地震發生；由成都入九寨溝嘅公路又蹋，......。
令我氣頂嘅精彩事，就係由收晒我錢，Briefing 內嘅對答揭開序幕。
整個 20 分鐘唔夠嘅 Briefing，個職員做到嘅係將 Default 咗嘅工作流程背俾我聽，同時佢只能夠好肯定咁答到我 1 個問題：
「影相個時間係可以免費更改一次。」但最後我想改期佢覆我話唔改得。
XYZ.......。
其他我倆所問嘅問題，答案不外乎下面 3 個：
1. 呀，......，等我 Check Check 先，遲啲覆返你哋；
2. 應該無問題嘅，......；
3. 稍後我將內地負責同你哋聯絡嘅同事嘅電話俾你哋，你哋可以問佢。
來來回回白白浪費咗我倆個幾鐘！
＊ ＊ ＊ ＊ ＊ ＊
喺四川，由喺機場接我哋開始，直到完成整個攝影過程，內地每一位員工，都係非常非常好嘅員工，服務態度絕對值得嘉許！強烈感受到佢哋一顆熱誠嘅心！
令我頂住條氣嘅唔係呢一個環節，所以在此不作詳述。
＊ ＊ ＊ ＊ ＊ ＊
5 月 20 日影完相，5 月 27 日返到香港。6 月 2 日喇，咦？又話我哋返香港之後，會主動聯絡我哋，跟進相簿嘅事嘅？
Janus 打去問跟進嘅情況，得到嘅回覆係：
「你唔話我哋知你哋揀邊啲相，我哋點準備做相簿？」態度當然唔係誠懇嗰隻啦。
「你哋又話會主動聯絡我哋，你唔俾 Form 我哋，唔通知我哋應該點做，我哋點話你哋知揀邊啲相？」Janus 回覆。
「係咩？你無收到我哋嘅 Email 咩？無同事聯絡你哋咩？咁我 Send 返俾你，你填好覆返我哋跟住就會做稿架喇。」
「我哋 8 月擺酒，要擺酒前收到相簿喎？」
「我哋知道架喇，有 Mark 低喺份單度。」
＊ ＊ ＊ ＊ ＊ ＊
結果甩甩漏漏，搞吓搞吓，搞到 8 月 8 日 18:26 先收到 Email 話第一次稿做好喇，要唔要改？
XYZ~!@......。
咁即係點呀？
［咪即係阿 Ron 你咪駛旨意諗住啲相簿可以擺酒當晚攞出嚟俾人睇囉！］
＊ ＊ ＊ ＊ ＊ ＊
自從 Briefing 開始，想佢哋打電話嚟簡直係妄想。有咩都係用 Email 留訊息俾我哋。
無可奈何之下，終於有電話打嚟。點解？我諗大概係唔想用 Email 留痕話俾我哋知，我哋嘅相簿係無辦法喺我哋早已訂好嘅日子收貨。
XYZ~!@#$%......。XYZ~!@#$%^&.......。
「咁即係點？」
「我哋免費額外幫你做一隻 CD，咁你啲相咪一樣可以喺席上播俾賓客睇。」
［按：咁皇恩浩蕩呀！又免費，又額外，我驚我受唔起呀！俾啲唔值錢又唔係我想要嘅嘢我就可以擺平件事嘅咩？將啲相擺埋一齊，問我攞隻歌加入去，我自己整都整得好過你啦！！！］
大家請注意，我放咗上 YouTube 你哋睇到嘅一段片，係經過我後期加工而成。
你求其俾啲我唔打算要嘅嘢我去息事寧人，都俾返少少誠意我睇吓呃！一早知道我 8 月 14 日擺酒，大家又估吓佢幾時幫我起到貨通知我？？？
答案請睇下圖。
電話都無過呀！靜雞雞 Send 隻貓俾我就算數，8 月 13 日 17:54 分呀！家陣係咪我無 24 小時全天候 Check Email，又或者無打電話追你，係我嘅錯呀！
XYZ~!@#$%^&.......。XYZ~!@#$%^&.......。XYZ~!@#$%^&.......。
＊ ＊ ＊ ＊ ＊ ＊
最後，我幾時可以收到我應該得到嘅相簿呢？
其實好快之嘛，8 月 29 日我就已經可以登門造訪，攞到相簿喇。
XYZ~!@#$%^&.......。XYZ~!@#$%^&.......。XYZ~!@#$%^&.......。XYZ~!@#$%^&.......。
＊ ＊ ＊ ＊ ＊ ＊
唔知係我唔好彩，還是呢個係佢哋慣性嘅工作流程同服務質素，總之整個過程，同呢間「傑出」公司嘅香港職員聯絡就每每令我氣頂。
要評分嘅話，要分得好清楚：
內地職員：10 分滿分會攞足 10 分！除咗所影嘅相質素高之外，徹頭徹尾都服務細心。甚至好多工作範圍以外嘅事，都幫我哋安排好晒！
香港職員：10 分滿分我會給予 2 分。應得嘅 1 分係跟進服務做得足——收齊錢之前。另外應得嘅 1 分係，雖然完全唔能夠依照所訂日子交貨，起碼都唔係爛尾，攞得到我買嘅嘢。
但係，當你今日同樣用 6 個大洋，去買 1 份兩星期前嘅報紙，有咩用呢？
XYZ~!@#$%^&.......。XYZ~!@#$%^&.......。XYZ~!@#$%^&.......。XYZ~!@#$%^&.......。
＊ ＊ ＊ ＊ ＊ ＊
by Ron
2009/11/15
2009/11/11
2009/10/11
2009/10/05
「街霸足球格鬥戰」Round 2
時光飛逝，轉瞬間已一星期，今夜「街霸足球格鬥戰」Round 2 又來了。
雖然最近的一套電影沒有看過，但感覺比賽的激烈程度會與〈死神 4 來了〉很相似。
要多謝今夜有一隊很慷慨的對手，不，應該是感激對手。對手十分慷慨，跟我們 0:0 賽和，一起邁進「零的突破」，大家都取得聯賽榜上的第一分。
對手除了送上寶貴的一分給己隊外，還額外贈我一份價值連城的厚禮。
假若大家因事務繁忙未能到 Nike 專門店 Shopping 的話，找我也可以達到 Window Shopping 的目的。皆因對手在我的左大腿上送上了一個最新款球鞋的留痕。隊友 Vincent 雖然也得到對手的眷顧，但，他最近運氣比「人衰行路打倒跌，人黑唔駛『查』墨汁」的我更加倒楣，對手只把禮物送到 Vincent 的護脛上，未能成功帶回家留念。
不用放大鏡，只要用肉眼也可以在我大腿上看得清清楚楚，這是一隻男裝 43 號尺碼的右腳鞋印，是最時尚的一款、是設計一流的一款新球鞋。鞋底上一共 12 顆鞋釘清晰可見，雖然我不是設計師，亦不是物理學家，但是憑我廿多年的波牛經驗，可以鑿定這 12 顆鞋釘的分佈，就知道這是一雙十分「咬地」，不會「扇腳」的好球鞋，而且還要是 Nike 名廠，應該售價在 HKD800 左右。
要感謝對手讓我有幸欣賞他的本領。這 12 顆鞋釘的分佈平均，匠心獨運，為我帶來的單單只是明顯的瘀腫，未有損傷，也沒有傷及筋骨。非常多謝對手體貼入微，因為如果損傷的話，清洗傷口會較麻煩，同時亦會較刺痛。
而這份厚禮，亦是對手贈我一個發揮長處的機會。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
上堂時間。
這道傷痕，完完全全是一個如何索償意外保障的活生生例子。
第一，我們先要定義何謂「意外」？這道傷痕是由 (1) 外來及唯一的衝擊力造成的損傷；(2) 外來的衝擊力是未能預計的；(3) 外來的衝擊力會造成有明顯的傷痕（可見的瘀腫，或流血，或損傷。但請留意，紅腫不算是明顯傷痕。）
跟據以上種種，我左腿上的紀念品，就是由意外造成的創傷。
而跟據我多年在球場上導致他人意外受傷，及被他人導致自己意外受傷的經驗，可以肯定這道傷痕，會足以讓醫生發病假紙要我休息 14 天。
而這 14 天的傷病假，首 7 天是可以從意外保障內 Weekly Indemnity，定義為「暫時性完全喪失工作能力」而獲得相應賠償。而其後 7 天被定義為「暫時性完全喪失工作能力」，還是「暫時性局部喪失工作能力」，則要視乎醫生的定斷。
保單持有人將會因應意外保障的內容條款而獲得賠償。
上堂時間完畢。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
遺憾的是在比賽結束時候，我來不及跟這位球星對手交換球衣云云，......。
除了對手慷慨送禮外，同場加映〈尋人記〉及〈帽面「中招」人格鬥王〉。〈尋人記〉劇情大綱如下：根據非正式統計，整場球賽，己隊叫喊得最多的說話就是：「左閘呢？」
是夜司職左後衛的隊友 Johnny「能傳善射」，貢獻良多，唯未能取分失分，實欠運氣。「能傳」者，乃傳球予對手前鋒；「善射」者，善於浪費射門也。
〈帽面「中招」人格鬥王〉劇情大網如下：前文已略有所及，比賽上下半場各 35 分鐘內，除了本人及 Vincent，Dennis 及誠哥，以致 Alan 和其他隊友，上場者，除門將 Andy 外，無不被對手送上「律頭老師」獨門的「愛心頭鎚」、上海名菜「窩心醉轉彎」、黃飛鴻絕技「無影腳」雙倍版、聖鬪士紫龍的「盧山昇龍霸」、......。動作場面經過精心設計、劇情緊湊、高潮跌蕩，全部過程一 Take 過，無借位、無取巧，效果絕對不比成家班、元家班、洪家班等名師遜色。
精彩絕倫！
錯過的朋友，我只能為你送上安慰，因為〈帽面「中招」人格鬥王〉將永遠不會在任何情況下發行 VCD 或 DVD，只會在場內場外的 11 人心中重播。有興趣的朋友已緣慳一面，錯過一齣千金打造的動作劇情片。
下星期的對手將會是由前香港足球先生譚兆偉執教的「大自然」。今天單是見到「大自然」的隊徽是一個渾然天成的「八卦」，且看下星期對手如何贈教將老莊學說融入足球的大成，對己隊曉以大義。
2009/09/29
2009/09/18
是日生活簡述
歐聯分組續開鑼，又要捱夜睇好波。
誠心誠意捧美斯，較定鬧鐘爬落床。
深不可測摩連奴，國米表現超水準。
主隊手無搏雞力，死守白界莫輕鬆。
橙衣軍團西甲王，狂攻喪砌竟未功！
美斯亨利伊巴謙，三叉威力被消磨。
觀戰腎上素激增，五點如何撻落床？
朝早返工頭暈暈，只有軀體沒有魂。
法式 Lunch 等餐懵，未醫飽肚趕開工。
埋位 Check 貓未上力，轉眼已經五點鐘。
又到時間切蛋糕，波士許願賀生日。
魔鬼蛋糕確魔鬼，秀色可餐垂涎滴。
美味可口勝天使，一人一「舊」好 Happy。
健碩份量放入口，超脂高卡患無窮。
銀包唔見有錢淨，偏偏體重勁攀升。
百米十一秒不再，踢波叉腰無力跑。
三張幾我通處派，大力射個波出界。
健康計劃九月始，每日游水未瘦身。
加操跑步一粒鐘，消耗未及魔鬼糕。
日日運動身體好，無人陪會 Very Lone。
2009/09/14
Crazy Shopping
昨天在悶熱的天氣下，再次到泳池消暑。
暢泳過後，到了新都會廣場遊逛。
大出血了！近年都是 Window Shopping 為主的我，昨天一反常態，單是買文具，都已經毫不理性地買了二百多元！
這批文具，應該可以用得上一段日子。
其實問題應該是捨不捨到去用。>_<
src="http://pagead2.googlesyndication.com/pagead/show_ads.js">
2009/08/24
2009/08/23 球場手記 @ 科大
昨天早上在烈日當空之下，在科大進行了一場「悠閒」的足球賽。
「悠閒」是由於太陽極度猛烈，雖然身處無敵海景的科大足球場，卻點滴風兒也沒有。在這個環境下，站著已經是一件苦差事，所以眾人心有餘而力不足，「悠閒」地進行友誼賽。
久旱逢甘露，已一段日子沒有接觸足球，機會來臨的時候，我當然不會放過。
一身整齊的裝備，在賽場上競走不過十多分鐘，掛彩了。
在中場跟對手甲爭奪皮球時，對手乙上前夾擊。千鈞一髮之際，我在這次皮球爭奪戰勝出了，可惜未能將機會轉化成得分。
而這一次爭奪中，絕不能不欣賞對手的技術。對手乙從右方兇猛撲來的一記剷球，巧妙地避開了小腿上的護脛，在我右小腳內側劃上一道七寸長的傷痕。
對手從我右方剷向我的右腿，能夠在我的右腿內側留下「到此一遊」的記號，雖不致嘖嘖稱奇，但也令自己嘆為觀止了！
而對手球鞋的球釘，也實在太鋒利了，到底在哪裏可以把鞋釘磨得鋒利呢？……。
球隊在先取得入球的情況下反勝為敗，輸一比三，主要原因就正正如林海峰的《男字組》所述：
「呢班波當打時期攞小型球金牌。
呢場全挽鞋，大啖白泡嘔得快！
口水都乾埋；踩波車拗柴；
乜筋都抽過晒，佢淨係打 Winning 快。
啤酒兩 Jar 隊晒，身紀有得好快。……。」
「悠閒」是由於太陽極度猛烈，雖然身處無敵海景的科大足球場，卻點滴風兒也沒有。在這個環境下，站著已經是一件苦差事，所以眾人心有餘而力不足，「悠閒」地進行友誼賽。
久旱逢甘露，已一段日子沒有接觸足球，機會來臨的時候，我當然不會放過。
一身整齊的裝備，在賽場上競走不過十多分鐘，掛彩了。
在中場跟對手甲爭奪皮球時，對手乙上前夾擊。千鈞一髮之際，我在這次皮球爭奪戰勝出了，可惜未能將機會轉化成得分。
而這一次爭奪中，絕不能不欣賞對手的技術。對手乙從右方兇猛撲來的一記剷球，巧妙地避開了小腿上的護脛，在我右小腳內側劃上一道七寸長的傷痕。
對手從我右方剷向我的右腿，能夠在我的右腿內側留下「到此一遊」的記號，雖不致嘖嘖稱奇，但也令自己嘆為觀止了！
而對手球鞋的球釘，也實在太鋒利了，到底在哪裏可以把鞋釘磨得鋒利呢？……。
球隊在先取得入球的情況下反勝為敗，輸一比三，主要原因就正正如林海峰的《男字組》所述：
「呢班波當打時期攞小型球金牌。
呢場全挽鞋，大啖白泡嘔得快！
口水都乾埋；踩波車拗柴；
乜筋都抽過晒，佢淨係打 Winning 快。
啤酒兩 Jar 隊晒，身紀有得好快。……。」
2009/07/31
2009/07/16
2009/06/26
2009/03/13
2009/03/12
2009/03/11
2009/03/10
2009/03/09
訂閱：
文章 (Atom)