西班牙

　　Yo！西班牙入到四強！真係睇到唔敢去廁所。

　　一場互有攻守，好激刺嘅賽事。而且西班牙好多次大賽都輸嘅十二碼，終於贏返一次！仲要係贏對賽咁多年都無贏過嘅意大利！

　　由費蘭度托利斯被換出一刻，個心已經涼咗一半，好彩卡斯拿斯真係好堅，救到兩個 PK，否則真係無覺好瞓。

　　不過事實係贏輸都瞓唔著，因為啱啱睇完大賽，腎上線素仲未回復正常水平呢。

瞓唔著

　　捱咗成個星期夜睇歐洲國盃，好明顯個人已經嚴重透支、無晒電，簡直就係行屍走肉，今朝更加唔識起身去踢波添。

　　上一屆歐國盃，甚至早兩年世界盃，我都無咁好心情，咁好興緻去場場追，今年唔知做乜咁作死，自八八年荷蘭攞歐洲國家盃嗰年係咁場場追，追到決賽之後嗰日考中史都無溫過書之外，差唔多成廿年無試過咁狂熱去睇波，可能係迴光反照嘅先兆。

　　雖然攰到殘、殘到顛，但係家陣都瞓唔著，唔係因為慣咗夜瞓，而係今晚睇完陳慧琳個演唱會，仲未將情緒回復平靜，喺屋企左搞右整都仲未搵到周公個女。

　　整晚表演都幾滿意，跳舞場面好多，淨係頭兩 Part 見到 Kelly 起勢咁 Shake Shake 佢條纖腰，真係鼻血都俾佢 Shake 晒出嚟，差啲失血暴斃。然而最重要嘅係，演唱會末段，我最鍾意嗰三隻歌《最愛演唱會》、《最佳位置》、《對你太在乎》一次過唱晒，所以非常滿足。

　　話時話，對上一次睇演唱會係幾時？自己都已經唔係太記得，只係好清楚記得年頭李克勤開演唱會無睇，出咗碟都仲未有時間去買返嚟睇。

　　由今朝起身一刻開始，今日全程所做每一件事，都令我想起好多好嘢，個腦實在唔夠 RAM 去行，可能因為咁，我個 Harddisk 仲行緊，因此沒法去入睡，呆呆望窗邊雨水……。

臨死前你會揀以下邊一句寫喺自己個墓碑上面？

寄件者：Bonnie Chan
寄件日：2006-12-19
題　目：臨死前你會揀以下邊一句寫喺自己個墓碑上面？

＊　　＊　　＊　　＊　　＊

　１）生時何需久睡，死後自會長眠。
　２）本人已死，有事燒紙。
　３）當你看清這行字的時候，你踩到我了。
　４）謝謝你來看我，我會時常上去看你的。
　５）如果可能，請把我叫醒……。
　６）我覺得我還可以再搶救一下！
　７）我這裡一缺三，就缺你了。
　８）我都死了，你們還要來煩我！
　９）我從前是個胖子，現在和所有躺著的人一樣有骨感！
１０）我轉世在美國，現在電話還沒設定， E-mail：***@*****.com
１１）這輩子我對不起很多人，也有很多人對不起我。我對不起的人可以來此羞
　　　辱我，對不起我的人可以來此緬懷我。如果真的很想我，就下來陪我 ^.^
１２）做鬼也要厚道！
１３）醒也無聊，睡也無聊，生也無聊，死也無聊。
１４）恕我不起來迎客了。
１５）別老盯著我的房子，你也會有一間的！
１６）歡迎光臨，有事敲門！
１７）請勿挖掘！
１８）有事請敲碑，聽到「嘀」的一聲後請留下你的口訊！
１９）看什麼看？早晚你也和我一樣！
２０）啊，我終於知道了人類最大的秘密！可惜我不能告訴你！
２１）哎，空間太小了，翻個身都困難！
２２）我就住下面，有空來聊聊？我不會搬家的，別擔心！
２３）禁止在此小便，違者沒收工具！